Нэг. Нийтлэг үндэслэл

1.1. Энэхүү Нууцлалын бодлого нь харилцагч таныг "Удам финанс ББСБ" ХХК (цаашид "Байгууллага" гэх)-иас зээлийн болон санхүүгийн үйлчилгээ авах үед таны мэдээллийг хэрхэн цуглуулах, ашиглах, хадгалах, хамгаалах талаар тайлбарлана.

1.2. Энэхүү бодлого нь Байгууллагын зээлийн үйлчилгээ болон түүнтэй холбоотой бүх бүтээгдэхүүн, үйлчилгээнд хамаарна.

1.3. Та "Удам финанс ББСБ"-ийн үйлчилгээг авч, зээлийн хүсэлт гаргаснаар энэхүү Нууцлалын бодлогыг зөвшөөрсөнд тооцогдоно. Хэрэв та санал нийлэхгүй бол үйлчилгээ авахаас татгалзах боломжтой.

Хоёр. Мэдээлэл цуглуулах тохиолдол ба мэдээллийн төрөл

2.1. Бид харилцагчдаас дараах тохиолдолд мэдээлэл цуглуулж болно: Зээлийн хүсэлт гаргах, үйлчилгээ ашиглах, судалгаа бөглөх, маягт илгээх болон бусад үйл ажиллагаанд оролцох үед.

2.2. Үйлчилгээг бүрэн үзүүлэх, зээлийн судалгаа хийхийн тулд дараах мэдээллүүдийг авна:

• Хувийн болон эмзэг мэдээлэл: Таны овог нэр, имэйл хаяг, утасны дугаар, төрсөн огноо, иргэний үнэмлэхийн мэдээлэл (регистрийн дугаар), банкны дансны дугаар болон гүйлгээний түүх.

• Техникийн мэдээлэл: Харилцагч Байгууллагын албан ёсны цахим хуудсаар зочлох эсвэл цахим шуудангаар харилцах үед хувийн бус техникийн мэдээллийг цуглуулж болно. Үүнд таны ашиглаж буй төхөөрөмжийн төрөл, хөтөч (browser), үйлдлийн систем, интернет үйлчилгээ үзүүлэгч зэрэг мэдээлэл багтана.

  
  

Гурав. Мэдээлэл ашиглах зорилго

3.1. "Удам финанс ББСБ" нь таны өгсөн мэдээллийг дараах зорилгоор ашигладаг:

• Санхүүгийн үйлчилгээ үзүүлэх, зээлийн судалгаа болон шалгалт хийх;

• Санхүүгийн луйвар, эрсдэлээс урьдчилан сэргийлэх;

• Хууль эрх зүйн шаардлагыг хангах (Мөнгө угаах болон терроризмыг санхүүжүүлэхтэй тэмцэх тухай хууль гэх мэт);

• Хэрэглэгчийн дэмжлэг үзүүлэх, эргэх холбоо тогтоох.

  
  

Дөрөв. Мэдээллийн аюулгүй байдал

4.1. Бид таны мэдээллийг хамгаалахын тулд орчин үеийн аюулгүй байдлын (зохион байгуулалтын болон техникийн) арга хэмжээ авч, зөвшөөрөлгүй нэвтрэх, мэдээлэл алдагдах, өөрчлөгдөх эрсдэлээс чанд сэргийлдэг.

Тав. Мэдээллийг гуравдагч этгээдэд дамжуулах

5.1. "Удам финанс ББСБ" нь таны мэдээллийг гуравдагч этгээдэд зарахгүй, түрээслэхгүй.

5.2. Зөвхөн үйлчилгээ үзүүлэх зорилгоор гэрээт байгууллагуудтай (жишээ нь: Зээлийн мэдээллийн сан) хуваалцах, хууль эрх зүйн шаардлагын дагуу холбогдох эрх бүхий байгууллагад өгөх, эсвэл таны зөвшөөрлөөр түнш байгууллагуудтай мэдээлэл солилцох боломжтой.

5.3. Компанийн нэгдэл, худалдан авалтын үед таны мэдээлэл шилжих боломжтой бөгөөд энэ тохиолдолд танд урьдчилан мэдэгдэнэ.

Зургаа. Мэдээлэл хадгалах хугацаа ба устгах

6.1. Монгол Улсын холбогдох хууль тогтоомжийн дагуу зээлийн мэдээллийг гэрээний хугацаа дуустал устгах боломжгүй байдаг.

6.2. Хуулиар заавал хадгалах шаардлагаас бусад мэдээллийг та өөрийн биеэр болон албан ёсны сувгаар хүсэлт гарган устгуулах эрхтэй.

Долоо. Бодлогод өөрчлөлт оруулах

7.1. "Удам финанс ББСБ" нь энэхүү Нууцлалын бодлогыг шаардлагатай үед шинэчлэх эрхтэй бөгөөд өөрчлөлт орсон тохиолдолд албан ёсны мэдээллийн самбар болон цахим хуудсандаа нийтлэх болно. Та энэхүү бодлогыг тогтмол шалгаж байх үүрэгтэй.

Найм. Холбоо барих мэдээлэл

Хэрэв танд асуулт, санал байвал дараах хаягаар холбогдоно уу:

Цахим шуудан: info@udamfinance.mn